HIGHLIGHTS |  
كلمة لبايراقداريان امام Europe Sports Forum 2026     |    سوريا تستضيف لبنان في السلة في إفتتاح قاعة الفيحاء     |    الوزيرة بايرافداريان استقبلت رئيس نادي IML الفنار     |    منتخب لبنان للطائرة الشاطئية باشر معسكره في الصين     |    روزنامة التنس للعام 2026 ستعمّم على الأندية قريباً     |    قرعة نهائيات بطولة أمم آسيا للسيدات في الطائرة     |     NDU Tennis Academy إختتمت "دورة الفصح" الودية     |    نتائج الدورة الداخلية في التنس لنادي ATCL
RSS
 BREAKING NEWS |  
نتائج مباريات الجولة الاولى من مسابقة كأس الامم الستة في الركبي للسيدات: فرنسا - ايطاليا 40-7 * انكلترا - جمهورية ايرلندا 33-12 * اسكتلندا - ويلز 24-19     |    الكازاخستانية الينا ريباكينا المصنفة اولى إلى الدور نصف النهائي لدورة شتوتغارت الالمانية في التنس بفوزها على الكندية ليلا فيرنانديز 6-7 و6-4 و7-6     |    الالماني الكسندر زفيريف المصنف اول إلى الدور نصف النهائي لدورة ميونيخ الالمانية للتنس بفوزه على الارجنتيني فرانشيسكو سيرندولو 5-7 و6-0 و6-2     |    فوز لنس على تولوز 3-2 في إفتتاح مباريات المرحلة 30 من الدوري الفرنسي لكرة القدم     |    فوز انتر ميلان على كالياري 3-0 وساسوولو على كومو 2-1 في إفتتاح مباريات المرحلة 33 من الدوري الايطالي لكرة القدم

حملة عنيفة لجمهور الحكمة على إدارة النادي!

March 7, 2018 at 9:36
   
بعد مقاطعة جمهور الحكمة لإدارته التي طلبت منه الحضور لدعم الفريق وحضور المباراة ضد الرياضي عبر شاشة عملاقة خارج الملعب، في إطار حربها مع اتحاد اللعبة، وبعد امتناع الجمهور والخسارة امام الرياضي والتباين في الكلام بين الإداريين والمدرب، شن الجمهور هجوماً عنيفاً على الإدارة عبر مواقع التواصل الاجتماعي تراوحت بين التهكم والاتهامات بامور شتى.
الياس كتب :"انشاالله هالإدارة الفاشلة تكون فهمت رسالة الجمهور... وتفل عن ضهر هالنادي بقا، 40 شخص حضروا برا يا حرام يا حكمة شو عملو فيكي".
وسأل الياس اخر: بعد هالبهدلة اليوم تسكروا الديون"؟!
وائل فضل نشر صورة لرئيس اتحاد كرة السلة بيار كيخيا في احد المطارات وعلق: " وحياة الله بيار كيخيا اخر همو وهوي بلندن".
وقالت جنى: "ههه داعيين الجمهور تيدعم فريقو من خلال شاشة خارج الملعب نكاية بالاتحاد!!! عم بيشوفو فريقن عم يتبهدل، الحكمة عندا هواية تتبهدل دايماً".
مارك قال: اصلاً عادي نتبهدل ويتمسح فينا الارض، هيدا مش مهم، المهم انو سجلنا موقف ضد الاتحاد واليوم بيار كيخيا ما رح ينام لانو ما في جمهور!
الياس شويفاتي قال: قبل ما تدعوا بيار كيخيا يفل، استحو وفلو انتو عهالبهدلة يللي عملتوها اليوم".
وقال بول: "التاريخ ما رح يذكر انو الحكمة لعبوا بالاحتياط، بس التاريخ رح يذكر انو الرياضي ربحت فرق 100 نقطة، يللا يا فران سجل التاريخ".
جوزيف تهكم على الحضور القليل في باحة غزير قائلاً : " العجقة واصلة على ادما اسمالله قد ما في عجقة".
ايلي سأل: قديه في عالم برات الملعب! جمعوا اجار الملعب عالقليلة"!
جورج قال: "يللي مع الإدارة وداعمينا هني يللي قاعدين ادام ملعب غزير قديه نسبتن من كل الجمهور"؟
وقال الياس: إذا حدا عم يسأل بغزير الدني صاحية وهيدا مش شتي"
ايلي حكيم سال: الشب تبع لأخر نفس ليه ما لعب اليوم"!
احمد سأل: " بليز حدا يوضحلنا إذا اللاعبين ما ندفعلن مصاري يللي مفترض الإدارة تدفعلن وما عم يجو عالتمرين وكلو بايعها، تاركين كل هول وزعلانين واخدين موقف من بيار كيخيا لان قال انو فريق ورقة ومطنشين على كل المشاكل الداخلية يللي عندن"؟!
الياس عاد وقال " بليز حدا يفرجينا اللوحة الجماهيرية يللي كانت بساحة ملعب غزير برا"!
فؤاد علق: بالنسبة لفؤاد ابو شقرا اللاعبين ما لعبوا لان ما ندفعلن مصاري وما عم يتمرنو حتى وفي مشاكل كبيرة، يعني القصة منا قصة موقف من الإدارة، هي قصة نقطف لحظة ونستغلا"!
جورج حنا علق على الأداء في المباراة وقال: " خدوني على قد عقلي هول اللاعبين يللي لعبو منن بكامل قواهن العقلية ما فيك تعملن سيستم (سؤال للمدرب ابو شقرا) خي هني لاعبين احتياط ما اختلفنا بس هجمة وحدي يركب فيا " بيك اند رول" والله ما في! وختم: فؤاد ابو شقرا هو كمان مشكلة".
ميشال علق: يللي بيسمع باتريك عون (نائب رئيس النادي) بيقول بدي حيي الجمهور يللي اجا، بيقول في شي 2000 شخص هني كلن 60 واحد الله يساعد حرام"!
نيكولا نشر شعار يدعو الإدارة والمدرب إلى الاستقالة وكتب: لشو بعدكن باقيين؟؟؟؟ ليش بعد باقي شي بهالنادي؟؟؟؟
الياس شويري كتب: " ما قادرين يدفعو للعبيبة اجتن شحمة على فطيرة قصة الاتحاد".
هذا غيض من فيض، وطبعا الجمهور يكتب من حرقة وأسف على ما وصل اليه النادي في عهد إدارة فاشلة، فهل سترد الإدارة بلا مبالاة وتمسك بالكراسي؟!
This article is tagged in:
sagesse, club, basketball